Lyrics – Road and The Miles to Dundee

The Road (and the Miles) to Dundee is based in part on an early poem by Fife poet Charles Gray (1782-1851) called Grim Winter Was Howlin. 

In 1961, Ewan MacColl wrote that the song was “popular throughout the whole of northeast Scotland”. Recorded by artists such as Jim Reid, Bob Davenport, Bert Jansch and Roy Bailey, the song is popular among both English and Scottish singers.  

There exists an Ulster variant of the song called Carnlough Bay, recorded by The Battlefield Band.

Cauld winter was howlin ower moor and ower mountain
And wild wis the surge o the dark rolling sea
When just aboot day break, I met a young lassie,
Wha asked me the road and the miles tae Dundee.

Says I, “Ma young lassie, I canna weel tell ye,
The road and the distance I canna weel gie.
But gin ye permit me tae gang a wee bittie
I’ll show ye the road and the miles tae Dundee.”


She fairly consented and gied me her airm,

Nae a word did I speir wha the lassie micht be.
She appeared like an angel in feature and form
As she walked by my side on the road tae Dundee.

At length, wi the howe o Strathmartine behind us
The spires o the toon in full view we could see,
She said, “Gentle sir I can niver forget ye
Fur showing me sae far on the road tae Dundee.

“This ring and this purse tak tae prove I am grateful
And some simple token I trust ye’ll gie me.
And in times to come I’ll the laddie remember
That showed me the road and the miles tae Dundee.”

I taen the gowd pin fae the scarf on my bosom
And said, “Tak ye this in remembrance o me.”
The bravely I kissed the sweet lips o the lassie
Then I pairted wi her on the road tae Dundee.

Sae here’s tae the lassie— I ne’er can forget her
And ilka young laddie wha’s listening tae me,
Oh niver be sweer tae convoy a young lassie
Though it’s only tae show her the road tae Dundee.