Bonnie Ship the Diamond

The Diamond is a ship, ma lads, fur the Davis Strait she’s bound,
And the quay it is aa garnished wi bonny lasses round.
Captain Thompson gies the orders tae sail the ocean wide,
Far the sun it niver sets, ma lads, nae darkness dims the sky.

CHORUS
And it’s cheer up ma lads, let yer hairts niver fail,
Fur the bonny ship, the Diamond, gings a-fishing fur the whale.

Alang the quays o Peterheid, the lasses staun aroon,
Their shawls aa pulled aboot them and their saut tears rinning doon.
Noo dinna ye weep, ma bonny lass, though ye be left behind,
Fur the rose will bloom on Greenland’s ice afore we chynge oor mind.

Here’s health tae the Resolution, likewise the Eliza Swan,
Here’s a health to the Battler of Montrose and the Diamond, ship of fame.
We wear the troosers o the fite, the jaickets o the blue,
Fan we return tae Peterheid, we’ll hae sweethairts anoo

Oh, it’ll be bricht baith day and nicht fan the whaling lads cam hame,
In a ship that’s fuull o ile, ma lads, and siller tae oor name.
We’ll mak the cradles aa tae rock and the blankets fur tae tear,
And ivry lass in Peterheid sing, “Hushabye, my dear.”

The Fisherman’s Lassie

Oh, the fisherman’s a bonny bonny man
Ah’ve niver seen onything bolder
He wears his sea beets ower his knees
An his straps across his shoulder

Chorus
Ah’m a ramblin tamblin fal a do a day
Ah’m a ramblin tamblin lassie
Ah’m a ramblin tamblin fal a do a day
An they caa me the fisherman’s lassie

Oh, ah’ll dress masel oot in ma Sunday best
Ah’ll mak masel look bonnie
An ah’ll ging awa doon tae the herbour side
Fur tae see my handsome Johnny

Noo my Johnny he’s a fisherman fine
He brings in cran o herring
An noo he’s camin hame tae me
An oor love we’ll seen be sharing.

Coorie Doon
Coorie doon, coorie doon, coorie doon, my darlin
Coorie doon the day
Coorie doon, coorie doon, coorie doon, my darlin
Coorie doon the day

Lie doon, my dear, and in yer ear
Tae help ye close yer eyes
I’ll sing a song, a slumber song
A miner’s lullaby

Your daddy’s doon the mine, my darlin
Doon in the curlby main
Your daddy’s howkin coal ma darlin
Fur his ain wee waen darkness doon the mine my darlin
Darkness, dust and damp
But we maun hae oor heat, oor licht
Oor fire and oor lamp

Yer daddy coories doon, my darlin
Doon in a three fit seam
So you can coorie doon my darlin
Coorie doon and dream